Milli tveggja mjög ólíkra hofa í Taipei á Taiwan
Milli tveggja mjög ólíkra hofa í Taipei á Taiwan
Posts
Það er alltaf nóg að gera hjá trommaranum, því getur verið gott að fá sér hráan engifer beint af skepnunni með...
Það er alltaf nóg að gera hjá trommaranum, því getur verið gott að fá sér hráan engifer beint af skepnunni með kallinum
Horft á næsta umhverfi okkar í gegnum gleiðlinsu.
Horft á næsta umhverfi okkar í gegnum gleiðlinsu. Í sumum þröngu götunum er erfitt að taka myndir af húsunum með venjulegri linsu. Heimavið trommar Ylur á fullu og heldur foreldrunum á tánum með uppátækjum sínum. Fyrir framan líffræðihús NTU settist hann í poll áður en við sáum. Þótt úti væru 36 C gráður þornuðu buxurnar ekki vegna hins háa loftraka, en á NTU-tehúsinu svaf Ylur síðan við sígilda tónlist og gaf foreldrunum færi á að slaka á við tedrykkju í nokkrar mínútur. Núna þegar við förum með hann á veitingarhús borðar hann vel hjá báðum okkar og okkur er vissara að mata hann samhliða og hratt svo kvartanirnar heyrist ekki um allt, honum liggur ekki lágt rómur. Næturhitinn er að komast í 28-32 C og öll náttúran á fullu. Hár fugla- froska- og bjöllusöngur, leðurblökurnar veiða flugur og sjást í ljósakiptunum, og snákunum er orðið of heitt og þeir sjást því viðra sig ásamt eðlunum
Mæðginin fara á veitingarhús með Vivian Su og ræða mat og ætileika.
Mæðginin fara á veitingarhús með Vivian Su og ræða mat og ætileika. Ylur hittir Tígra, sem er klipptur eins og ljón og segir: "Voff, Voff..". Er ekki veröldin stundum skrítin og vissara að kynna sér ýmislegt um hana í bókum?
Hvað gerir maður í 35 C gráðum?
Hvað gerir maður í 35 C gráðum? Fer auðvitað í dýragarðinn og svitnar. Ylur og ZaiYu fundu sameiginlega upp á ýmsu. Svo týndum við feðgarnir mömmu og sunnanfólkinu frá TaiChung þegar við horfðum of lengi á apana fóðraða. Undir lokin kom íslendingseðlið upp í Yl þegar hann var búinn að æsa upp stráka, aðeins eldri en hann, til að haupa saman óbeislaða. Það var farið að minna mig á hlaup í jólaboðum heima áður fyrr, og foreldrar hinna stóðu á öndinni og enginn ljósmyndaranna komst til að taka mynd af látunum. Það þarf ekki að taka fram að hann var sveittur og þreyttur eftir hlaupin, en neitaði öllum boðum um lúr. Fiðrildagarðurinn var sérlega skemmtilegur að vanda. Þegar við vorum að setja inn myndirnar um 21:30 voru 30 C gráður úti og fullur raki eftir þrumuskúr
Sá sísvangi horfir á grillendur.
Sá sísvangi horfir á grillendur. Hann er líka til í að snæða grísaeyru með núðlunum á einföldu veitingarhúsi í götunni okkar þó Grísla sé í fanginu á honum
Hlustað á skilaboð frá ShuYu í síma
Hlustað á skilaboð frá ShuYu í síma https://www.youtube.com/watch?v=a5QXq_1jV10
