Ferðalangar úr Kópavoginum mættir. Létt rigning og norðanáhlaup með 20 - 28 C tók á móti þeim í dag. Sjáum hvernig verður þegar hitinn hækkar aftur með austan og sunnan blíðu úr Kyrrahafinu.
Við höfum notað kóftímann til að læra að hjóla. Fyrst tókum við hjálpardekkin af litla hjólinu og létum Yl hjóla þannig í þrjá daga. Við sleppum alveg því sem hann sagði í upphafi, en snemma í ferlinu tók stoltið yfir. Síðan færðum við Yl á stærra hjól og þannig hljóp ég á eftir honum í nokkra daga. Síðan samdi ég við hann um hjólaleið sem ég mætti hjóla með honum og hann myndi eftir bremsunni. Hún var vandinn í upphafi því stærra hjólið er með gírskiptingu og handbremsur. Síðan hafa verið farnar lengri ferði á hjólinu upp og niður brekkur og allt gengið vel. Eðlilega á ég ekki margar myndir úr hjólaferðum okkar þar sem ég þori ekki öðru en að fylgjast vel með honum, en hér eru nokkrar. Þetta byrjaði allt í Breiðholtinu efst, til að hafa landið flatt: Síðan höfum við farið um og í kringum Kópavoginn og yfir til Reykjavíkur um hæðir og brekkur
Ylur heilsar hernum, héranum og skoðar nýársskreytingar. Hann er viss um að tennisspaðinn í íþróttabúðinni sé flugnaspaði fyrir stórar flugur. Hann var ekkert hræddur við stóra hermanninn þegar hann hreyfði sig og brosti til hinna. Það er gott að hvíla sig með Gríslu eftir erfiðan dag
Comments
Post a Comment